Berrikuntza | Egile

Nola ikusten dugu berrikuntza Egilen

EGILEn uste dugu enpresaren jasangarritasuna, hazkuntza eta lehiakortasuna bermatzeko ezinbesteko tresna dela berrikuntza. Izatez berritzailea den talde batean bizi gara, eta gure I+G+b unitate propioa eta kultura berritzailea dira fabrikatzeko teknologien abangoardian mantentzen gaituzten proiektuak sortzeko gakoa; izan ere, horri esker soluzio efiziente, arin eta seguruak diseina baititzakegu gure bezeroekin elkarlanean.

Gure bezeroekin oso hurbiletik eta etengabe egiten dugu lan, etorkizunerako dituzten premia teknologikoak baitira proiektu berri baten lehenengo etapetatik azken produkziorainoko norabidea ezartzen digutenak. Lankidetza horren emaitza da fabrikatzeko teknologiak sakonean ezagutzen ditugula eta erabateko gaitasun teknologikoa dugula merkatuaren beharrei erantzuteko.

Kopuru hau gainditzen duten I+G+b arloko inbertsioak:
15%

I+G+b unitate propioa, Zientzia, Teknologia eta Berrikuntzaren Euskal Sarearen barruan dagoena:

I+G+b arloan lan egiten duten pertsonak
30

I+G arloko lerro estrategikoak

Fabrikazio gehigarriaren unitatea

Beti gaude adi aukera berriak aurkitzeko eta, horregatik, Fabrikazio Gehigarriko Unitate bat dugu: Egile Additive Manufacturing. Balio-kate osoan hartzen du parte, diseinutik fabrikazioraino, baita osagai aeronautikoen egiaztapenean ere.

Unitatea laser powder bed fusion teknologian espezializatuta dago, eta batez ere nikel-aleazioekin (IN178) egiten da lan bertan, materialen arabera antolatutako planta batean.

Eskaintzen dugu:

Metal-hautsaren karakterizazioa eta kontrola
Osagai aeronautikoen funtzionaltasuna optimizatzeko prozesu-parametroen garapena
Esperientzia eta ezagutza zabala galdaketaren munduan
Laborategi propioa

Ildo estrategikoak

Erreduktoreak

Gure ikerketa eta garapena sistema zinematikoetan ardazten da. Gaur egun, sistema horiek garatzeko aurrerapauso handiak eman behar dira modelizazio eta simulazioetan, fabrikazio aurreratuan eta monitorizazioan.

Ildo estrategikoak

Ponpak

Sistema horien prestazioak hobetzeko balioko duten berrikuntzetara bideratzen ditugu indarrak, etorkizuneko motor aeronautikoek exijentzia gehiago izango baitituzte tenperaturari eta biraketari dagokionez.

Ildo estrategikoak

superlazioak

Material horiek motor aeronautiko baten funtsezko osagaietan erabiltzen dira. Mekanizatzea zaila denez, zikloaren denbora murriztu eta produktuen fidagarritasuna mantenduko duten teknologiak bilatu behar ditugu.

Ildo estrategikoak

Bilgarriak

Egilen trokelak (prentsa-lerroen funtsezko sistema) eta bilgarrien elementuak berritu ditugu, gure bezeroei produktibitate-maila altuagoa eta materialen kontsumoan aurrezteko aukera eskaintzeko.

Ildo estrategikoak

Azeleragailuak

Fabrikazio- eta metrologia-sistemen inguruan dugun ezagutza azeleragailuen sistema eta osagaietan aplikatzen dugu, zientziaren arloan erabiltzeko, hala nola osasunaren sektorean.

Ildo estrategikoak

4.0 Industria

Egilen uste dugu digitalizazioa eta automatizazioa gure eraldaketaren funtsezko zutabeak direla. Digitalizazioari dagokionez, gure obsesioa datuak biltzea, gurutzatzea eta esplotatzea da, etengabe hobetzeko aukerak aurkitzeko. Automatizazioari dagokionez, uste dugu aeronautikako negozioaren bolumenek gora egin ahala, sistema automatiko eta autonomoek zentzu gehiago izango dutela sektore honetan, orain arte lote txikiak nagusi izan badira ere. Zenbait eragiketetan, gizakien eta makinen arteko elkarlana ezinbestekoa izango da.

Ildo estrategikoak

Fabrikazio teknologiak

Hobekuntzak egin ditugu sistema mekaniko dinamikoetan agertzen diren teknologia gehienetan: torneaketa, ardatz anitzeko torneaketa, 5 ardatz jarraituko zentroa, artezketa laua, 5 ardatzeko artezketa, diamante bidezko torneaketa hibridoa, barne- eta kanpo-artezketa zilindrikoa, hari bidezko ebaketa (abiadura eta doitasun handia), zulaketa sakona, trepanatzea eta txartaketa, engranajeen taillaketa eta artezketa, koordenatu bidezko artezketa, profil optikoaren artezketa, sartze bidezko elektrohigadura, brotxaketa, orekatzea...

Sistema elektrikoagoak, seguruagoak eta birkonfiguratzeko aukera ematen dutenak, pilotuaren karga murriztuz hegazkin efizienteagoak lortzeko.

SELENA - IDI-20150631

Egoera: Abian

CESA buru duen eta CIEN programaren barruan dagoen proiektu honetan, Egile AeroTransmissions-ek funtsezko metodologia eta teknologia berriak garatuko ditu, erredukzio-sistemak fidagarriagoak (lubrifikazio-sistema erredundanteak), seguruagoak (osagaien anomaliek eragiten dituzten dardarak eta seinale akustikoak monitorizatuz), efizienteagoak (engranajeen kontakturako diseinu aurreratua erabiliz, ardatzen arazoei aurrea hartzeko) eta iraunkorrak (higadura eta dardara gutxiago) izan daitezen.

Turbopropultsatzaile berri baten erreduktorearen garapena

CLEAN SKY

Egoera: Abian

Proiektu honekin, Egile AeroTransmissions Core Partner bihurtu da ENGINEren ITD barruan. Mugarri honi esker, Europako erreferenteetako bat gara erredukzio-sistema aeronautikoetan.

1100 zaldi-potentziako turbopropultsatzaile batean instalatuko den erreduktorearen hainbat prototiporen diseinua, fabrikazioa eta entsegua hartzen du barne proiektuak. SAFRAN Helicopter Engines izango da jardueren ikuskatzailea, eta Egile AeroTransmissions unitateak SAFRAN Transmission Systems-ekin elkarlanean egingo ditu diseinuak.

Motor aeronautikoak lubrifikatzeko sistema efizienteago eta fidagarriagoen garapena, diseinurako eta monitorizaziorako metodologia aurreratu berrien bidez

LATIDO - ZL-2019/00942

Egoera: Abian

Etorkizuneko motorrek gaur egungoek baino eragiketa-parametro zorrotzagoak izango dituzte, tenperaturari eta biraketari dagokionez. Horrek esan nahi du sistemak, hala nola lubrifikazio-ponpa, asko hobetu behar direla, zerbitzu efiziente eta fidagarri bat eman ahal izateko. Halaber, sektoreko ardatz eragile garrantzitsuenetako bat kontuan hartu beharko dute: pisua murriztea. Helburu horiekin abiatu dugu proiektu hau, modelizazio-eta monitorizazio-teknologia aurreratuen bidez lubrifikazio-ponparen diseinuak optimizatzeko funtsezko faktoreak identifikatzeko balioko duena.

IK4-TEKNIKERek eta Europar Batzordeak hartzen dute parte.

Additively manufactured limited angle torque motor for Smart Active Inceptors

ADDIMOT

Egoera: Abian

Motorrak elektrifikatzearen ondorioz, sistemen pisua areagotzen ari da, eta hori Kontraesanean dago sektoreko joera garrantzitsuenarekin; alegia, pisua murriztea. Paradoxa horri aurrea hartzeko, Egile Mechanics-en motor elektriko baten zenbait osagai garatu eta fabrikatuko ditugu, material ferromagnetikoetan fabrikazio gehigarrirako teknologia erabiliz eta diseinu berriak eginez, optimizazio topologikorako metodologien bidez. Proiektu honen Topic Manager edo bezeroa Safran Electronics & Defense da.

Partikula-azeleragailu lineal trinkoa

IKERTU - ZE-2018/00034

Egoera: Amaituta

Azeleragailuak tamaina desberdinetako instalazioak dira, batez ere medikuntzarako eta zientziarako erabiltzen direnak. Osasunaren sektorean, minbiziaren aurkako ohiko terapiak, fotoietan oinarritutakoak, pixkanaka ordezkatu egingo dira partikula-igorpenean oinarritutako terapia berriekin. Proiektu honetan, Egile Mechanics unitateak azeleragailu horien funtsezko sistema batzuk diseinatuko ditu eta fabrikatzeko beharko diren teknologiak garatuko ditu; hala nola mekanizazioak, lotura-teknologiak eta metrologiako teknologiak.

Abiadura handiko turbinak: Fabrikazio aurreratuko teknologien garapena

TALDEA - ZE-2017/00029

Egoera: Amaituta

Etorkizuneko motorrek gaur egungoek baino eragiketa-parametro zorrotzagoak izango dituzte, tenperaturari eta biraketari dagokionez. Horrek esan nahi du osagaiak material ezezagunekin fabrikatu beharko direla, perdoiari dagokionez exijentzia gehiagorekin, baina lehiakortasun- eta fidagarritasun-maila mantenduz. Proiektu honetan, gure asmoa zenbait teknologia hasiberri balioztatzea da, hala nola fabrikazio gehigarria, eta ohiko mekanizazio prozesuak hobetzea. Proiektu honen burua ITP Aero da.

Egin hitz gurekin

Bilatzen ari zaren soluzioa eskain diezazukegu.

Jarri harremanetan gurekin