Aero Systems

Aeronautikaren munduan funtsezkoak diren osagai eta sistema dinamikoak fabrikatzeko prozesu konplexuak garatzen ditugu, baita defentsako sektorerako sistemak ere.

Gure bezeroei laguntza-zerbitzu integrala eskaintzen diegu, osagaien ingeniaritza, industrializazioa, fabrikazioa, mihiztadura eta entseguak barne hartzen dituena. Prozesu sendoak eskaintzen ditugu, teknologiaren eta garapen-prozesu malgu eta azkarren inguruan dugun ezagutzari esker eta I+G arloan inbertitzeko sistematika bat dugulako, industriako azken aurrerapenak gure osagaien fabrikazioan txertatu ahal izateko.

Fabrikazio-ingeniaritza

Laguntza

Integrazioa

Aeronautikaren munduan erabiltzen diren materialak eta fabrikazio-teknologiak oso ondo ezagutzen ditugu eta, horri esker, bezeroekin batera lan egin dezakegu fabrikazio-prozesu konplexuenak asmatu eta gauzatzeko, konplexutasun-maila altuko askotariko produktuetarako.

Honako hauek dira gure arrakastaren gakoak: bezeroekin elkarlanean jardutea eta haien kulturaren parte izatea, proiektuekiko dugun konpromisoa eta inplikazioa, eta eskaintzen dugun malgutasuna eta arintasuna.

Gainera, hornidura-kate osoa kudeatzen dugu, gure bezeroei soluzio onena eskaintzeko beharrezkoak diren eragile guztien parte-hartzea bermatuz.

Eskaintzen dugun integrazio-zerbitzuak barne hartzen du multzo txikiak nahiz kit osoak fabrikatzea, probatzea eta entregatzea, gure bezeroen onespena duten saiakuntza-bankuetan egiaztatu ondoren.